حوار:عبدالحميد ابراهيم
أصبح فن الجرافيتي جزء من حديث الشوارع لعدة عقود وكان الرسم احد اللغات المتبعه في ثورة 25يناير و30 يونيو الآن وفي الحوار “المصري نيوز ” مع رسامة الجرافيتى” اسراء عاطف عطية بالغه من العمر 21 سنة طالبة فى الفرقة الثالثة بكلية الطب البيطرى ولكن ميولها واهتماماتها تتخذ طريقا اخر يختلف تماما عن مجال دراستها
وبدانا بطرح بعض الاسئلة عليهاوعمل حوار خاص “للمصري نيوز “
1_بدأتى امتي ترسمى جرافيتي وازاي اتطورتى فيه
=بدأت ف رسم الجرافيتي من سنتين تقريبا كانت البدايه اني ارسم حاجه ف اوضتي والبلكونه بتاعتي وكانت واو بالنسبه للناس ودي حاجه شجعتني اعمل حاجات كتير بعد كدا وبدأت ارسم ف اماكن كتير والشارع والكليه وبدأت كمان اخد اوردرات اوض اطفال ومحلات ومطاعم واصمم فيها الديزاينات الي هتتعمل ع الحيطه
2_المجال دا دايما بيبقي المعتاد ان الي بيرسم جرافيتي ولاد وانتي بنت كان صعب عليكي تدخلي المجال؟
=هو اكيد انا بواجه صعوبات كتير هو اصلا مجهود كبير جدا اني اخلص جدار كامل ف يوم مثلا او حاجه شبيهه دا غير لو مكان عالي هيبقي متعب جدا وسلالم وكدا
غير انه لو ف مكان عام او شارع بيبقي ملفت جدا بس ف نفس الوقت الناس بتبقي معجبه جدا بالي بعمله دا
3_من امتي بداتي في الرسم بشكل عام واشمعنا تحديد اختارتي جرافيتي
=انا برسم من زمان بس بدأت ارسم فعليا وادرب نفسي وكدا وانا ف اولي ثانوي واهتميت بقا بالموضوع وبعد كدا بعدت الفتره بتاعه تالته ثانوي ورجعت تاني بعدها .. واخترت الجرافيتي لانه ممتع لاقصي الحدود والالوان والشغل بيها مبهج جدا وبيغير حالتي النفسيه 180 درجه
4_لكي سابقه اعمال بالجرافيتي قبل كده
=اه. رسمت كتير جدا.. بدأت باوضتي وبعد كدا الموضوع اتوسع معايا وبقت برسم كل سنه علي حوائط في الكلية كمنظر جمالي
5_ممكن اي حد عنده مواهبه الرسم يقدر يرسم علي الجدران الحوائط ولا لازم له حاجه معينه
=لازم يكون بيعرف يرسم اكيد.. مع شويه احساس كدا وثقه ف نفسه انه هيقدر يطلعها حلوه
6_الالوان بتستخدميها الوان ولا بويات
=بستخدم بويات عشان تفضل سابته مع الدهان بتاع المكان
7_وانتي كليه طب بيطري ويعني هتكوني دكتوره عاوزه تكملي في مجال الرسم ولا المواهبه بس ان تخرجي هتشتغلي بالكليه بتاعتك
=انا كل الي ف دماغي حاليا اني اعمل اسم كبير ف الحاجه الي بحبها عشان هبدع فيها انا عندي ثقه ف ربنا وف نفسي ان شاء الله
8_طيب تحبي تقولي ايه للبنات عاوزه تعمل زيك وعندها الموهبه ونفسها تكون زيم وازي تبدا منين
=متفضليش تقولي مش هعرف جربي وشخبطي ومرا تطلع حلوه ومرا لا مش مهم المهم انك هتوصلي للي عايزاه ف يوم بس دا مش هيتحقق وانتي قاعده مكانك.. لازم تسعي
